Hugvísindaþing 2018 verður haldið dagana 9. og 10. mars. Þingið er árviss ráðstefna Hugvísindastofnunar þar sem fram er borið það helsta í fræðunum í málstofum ætluðum fræðasamfélaginu jafnt sem almenningi. Hægt er að kynna sér dagskrá þingsins á vef þess, hugvisindathing.hi.is.
Öndvegisverkefnið Fötlun fyrir tíma fötlunar verður kynnt á Hugvísindaþingi laugardaginn 10. mars kl. 10:00.
Öndvegisverkefnið Fötlun fyrir tíma fötlunar byggist á einstöku þverfræðilegu samstarfi margra fræðigreina og fræðimanna sem beina sjónum að sögu fatlaðs fólks í íslenskri fortíð. Einn tilgangur verkefnisins er að finna upplýsingar um fatlað fólk í Íslandssögunni frá landnámi allt til þess tíma að lög um málefni fatlaðs fólks voru fyrst sett á Alþingi. Til að nálgast þessar upplýsingar er tvinnað saman aðferðafræði sjö fræðigreina innan Háskóla Íslands á sviði menningar-, hug- og félagsvísinda. Í málstofunni verður verkefnið kynnt og gefin innsýn í viðfangsefni tveggja nýdoktora og tveggja doktorsnema á sviði fornleifafræði, bókmenntafræði, þjóðfræði og safnafræði. Áhersla er á þræðina sem birtast í gagnasöfnunum. Það sagða og það ósagða. Unga fræðifólkið mun gefa innsýn í það sem þau eru að gera, gögnin sín og gefa okkur lifandi dæmi um það sem þau eru að kljást við á fyrsta ári rannsóknarvinnunnar.
Laugardagur 10. mars
Hvar
Stofu 207 í Aðalbyggingu Háskóla Íslands
Hvenær
Kl. 10.00-12.00
Málstofustjóri:
Steinunn Kristjánsdóttir
Verið velkomin á Hugvísindaþing.